باش بەت > تەتقىقاتلار > قۇرئان تەتقىقاتلىرى  يوللىغۇچى: ، ۋاقتى:
ئىنشىقاق سۈرىسى مەككىدە نازىل بولغان، 25 ئايەت.
ياخشىلىق چەكسىز، ئىنئامى كۆپ ئاللاھنىڭ ئىسمى بىلەن باشلايمەن.
1- ئاسمان يېرىلغان
2- ۋە رەببىنىڭ ئەمرىنى ئاڭلاپ ئۇنى تېگىشلىك رەۋىشتە بەجا كەلتۈرگەن چاغدا،
3- زېمىن سوزۇلغان،
4- ئىچىدىكى نەرسىلەرنى تېشىغا ئېتىپ قۇرۇقدانغان
5- ۋە رەببىنىڭ ئەمرىنى ئاڭلاپ ئۇنى تېگىشلىك رەۋىشتە بەجا كەلتۈرگەن چاغدا[1].
6- ئى ئىنسان! سەن رەببىڭنىڭ ھۇزۇرىغا بارغانغا قەدەر جاپالىق ئىشلەيسەن، ئاندىن ئۇنىڭغا مۇلاقات بولىسەن.
7- ئۇ چاغدا كىمنىڭ كىتابى ئوڭ تەرىپىدىن بېرىلسە،
8- ئۇنىڭدىن ئاسان ھېساب ئېلىنىدۇ،
9- ئۇ، يېقىن – يورۇقلىرىنىڭ يېنىغا خۇشال ھالدا قايتىدۇ.
10- كىمنىڭ كىتابى ئارقا تەرىپىدىن بېرىلسە،
11- ئۇ، يوق بولۇپ كېتىشنى تىلەيدۇ
12- ۋە يالقۇنلاپ تۇرىدىغان ئوتقا كىرىپ كۆيىدۇ.
13- چۈنكى ئۇ، بىر زامانلار يېقىن – يورۇقلىرى ئارىسىدا خۇشال ئىدى،
14- قايتا تىرىلىپ ھېساب بەرمەيدىغانلىقىنى ئويلايتتى.
15- ئەلۋەتتە ھېساب بېرەتتى. چۈنكى رەببى ئۇنى كۆرۈپ تۇراتتى.
16- ئۇنداق ئەمەس[2]، شەپەق[3] بىلەن قەسەم قىلىمەن،
17- كېچە ۋە ئۇنىڭ قاراڭغۇلۇقى باسقان نەرسىلەر بىلەن قەسەم قىلىمەن،
18- تولۇن بولغان چاغدىكى ئاي بىلەن قەسەم قىلىمەن،
19- سىلەر ھالدىن ھالغا يۆتكىپ تۇرىسىلەر.
20- ئەھۋال مۇشۇنداق تۇرۇقلۇق، ئۇلارغا نېمە بولدىكىن، ئىمان ئېيتمايدۇ؟
21- ئۇلارغا قۇرئان ئوقۇلغاندا سەجدە قىلمايدۇ؟
22- بەلكى كاپىرلار راستنى يالغان دەۋاتىدۇ.
23- ئاللاھ ئۇلارنىڭ دىللىرىدا ساقلاۋاتقان نەرسىلەرنى بىلىپ تۇرغۇچىدۇر.
24- ئۇنداقتا ئۇلارغا ئېغىر ئازاب بىلەن خۇش خەۋەر بەرگىن.
25- ئىمان ئېيتىپ ياخشى ئەمەللەرنى قىلغانلار مۇستەسنا. بۇلارغا پۈتمەس – تۈگىمەس مۇكاپات بار.


[1]– دەھشەتلىك ئىشلار بولىدۇ، ھەر ئىنسان ئاللاھنىڭ ھۇزۇرىغا چىقىرىلىپ ھېساب بېرىدۇ، شۇنداقلا قىلىمىشىنىڭ جازاسىنى ياكى مۇكاپاىتىنى ئالىدۇ.

[2]– ئىش ئۇنىڭ ئويلىغىنىدەك ئەمەس.

[3]– كۈن پاتقاندىن كېيىن كۈن پېتىش ئۇپۇقىدا كۆرۈنىدىغان قىزىللىق .


مۇسۇلمانلار تورى، ئاللاھ، ئاللا، قۇرئان كەرىم، مۇسۇلمان، مۇسۇلمانلار، قۇرئان، ھەدىس، ئىلىم، دىن، ئۇيغۇر، ئۇيغۇرچە، فېترەت، فىترەت، تەبىئەت، ئادەم، پەيغەمبەر، رەسۇل، نەبى، شېئىر، ئۆلىما، مەزھەپ، پەتىۋا، سۇئال، جاۋاب، ئىلمىي، تەتقىقات، ماقالە، يازمىلار، يازما، ئۇلىنىش، ئالاقىلىشىڭ