باش بەت > تەتقىقاتلار > قۇرئان تەتقىقاتلىرى  يوللىغۇچى: ، ۋاقتى:
ئىنفىتار سۈرىسى مەككىدە نازىل بولغان، 19 ئايەت.
ياخشىلىق چەكسىز، ئىنئامى كۆپ ئاللاھنىڭ ئىسمى بىلەن باشلايمەن.
1- ئاسمان يېرىلغان چاغدا،
2- يۇلتۇزلار چېچىلغان چاغدا،
3- دېڭىزلەر بىر – بىرىگە قوشۇلغان چاغدا،
4- قەبىرلەرنىڭ ئىچى تېشىغا چىقىرىلغان چاغدا،
5- ھەر ئادەم قىلغان ئىشلىرىنى ۋە قالدۇرغان ئەسەرلىرىنى بىلىدۇ.
6- ئى ئىنسان! سېنى سېخىي رەببىڭگە قارشى نېمە ئالدىدى؟
7- ئۇ سېنى ياراتقان، بېجىرىم قىلغان، قامىتىڭنى تۈز قىلغان،
8- ۋە ئۆزى خالىغان شەكىلدە قۇراشتۇرغان زاتتۇر.
9- ياق[1]، بەلكى سىلەر دىننى[2] يالغان دەيسىلەر.
10- ھالبۇكى ئۈستۈڭلاردا كۆزەتكۈچىلەر بار.
11- ئۇلار ھۆرمەتلىكتۇر، يېزىپ تۇرغۇچىلاردۇر.
12- ئۇلار قىلمىشلىرىڭلارنى بىلىپ تۇرىدۇ.
13- شۈبھىسىزكى، ياخشىلار نەئىمدە بولىدۇ[3].
14- شۈبھىسىزكى، يامانلار دوزاختا بولىدۇ.
15- ئۇلار جازا ۋە مۇكاپات كۈنى ئۇنىڭغا كىرىپ كۆيىدۇ.
16- ئۇلار ئۇنىڭدىن ھەرگىزمۇ يوقالمايدۇ.
17- جازا ۋە مۇكاپات كۈنى نېمە، سەن نەدىن بىلىسەن؟
18- توغرا، جاۋا ۋە مۇكاپات كۈنى نېمە، سەن نەدىن بىلىسەن؟
19- ئۇ كۈندە، ھېچكىم ھېچكىمگە ھېچبىر ياردەم قىلالمايدۇ. ئۇ كۈندە ئەمر[4] پەقەتلا ئاللاھنىڭدۇر.


[1]– ئىش سىلەر دىگەندەك ئەمەس، ئالدانماڭلار،

[2]– ئاللاھقا ھېساب بېرىش ئىشىنى، ياخشىلارغا مۇكاپات، يامانلارغا جازا بېرىلىدىغانلىقىنى.

[3]– بۇنىڭ مەناسى نەئىم جەننەتتلىرىدە بولىدۇ، نېئمەتلەرگە ئېرىشىدۇ، دېگەن بولىدۇ.

[4]– ئىش، بۇيرۇق، ھاكىمىيەت.


مۇسۇلمانلار تورى، ئاللاھ، ئاللا، قۇرئان كەرىم، مۇسۇلمان، مۇسۇلمانلار، قۇرئان، ھەدىس، ئىلىم، دىن، ئۇيغۇر، ئۇيغۇرچە، فېترەت، فىترەت، تەبىئەت، ئادەم، پەيغەمبەر، رەسۇل، نەبى، شېئىر، ئۆلىما، مەزھەپ، پەتىۋا، سۇئال، جاۋاب، ئىلمىي، تەتقىقات، ماقالە، يازمىلار، يازما، ئۇلىنىش، ئالاقىلىشىڭ