باش بەت > ئەھكام > پەتىۋالار > روزا  يوللىغۇچى: ، ۋاقتى:

ئەسسالامۇئەلەيكۇم:

ئۇستازلار! ئاشۇرا كۈنى روزا تۇتۇشنىڭ ھۆكمى نېمە؟ قانچە كۈن تۇتۇش كېرەك؟ يەنە مۇھەررەم ئېيىغا خاس ئىبادەت بارمۇ؟

ۋەئەلەيكۇم ئەسسالام:

ئاشۇرا كۈنى، يەنى مۇھەررەم ئېيى (ھىجىرىيە بىرىنچى ئاي) نىڭ 10- كۈنى ۋە بۇنىڭغا قوشۇپ 9- كۈنى روزا تۇتۇش ياخشى ئىشتۇر.

ئىبن ئابباس رەزىيەللاھۇ ئەنھۇمادىن رىۋايەت قىلىنىدۇكى، پەيغەمبەر ئەلەيھىسسالام ئاشۇرا كۈنىدە (مۇھەررەمنىڭ 10- كۈنى) روزا تۇتاتتى ۋە باشقىلارنىمۇ روزا تۇتۇشقا بۇيراتتى.- بۇخارى ۋە مۇسلىم رىۋايەت قىلغان.

ئەبۇ قاتادە رەزىيەللاھۇ ئەنھۇدىن رىۋايەت قىلىنىدۇكى، ساھابىلەر پەيغەمبەر ئەلەيھىسسالامدىن ئاشۇرا كۈنى (مۇھەررەم ئېيىنىڭ 10- كۈنى) روزا تۇتۇش توغرۇلۇق سورىغاندا، پەيغەمبەر ئەلەيھىسسالام: «ئۆتكەن يىلقى گۇناھلارغا كەففارەت بولىدۇ»، دېدى.- مۇسلىم رىۋايەت قىلغان.

ئىبن ئابباس رەزىيەللاھۇ ئەنھۇمادىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن: «ئەگەر مەن كېلەر يىلغىچە ئامان بولسام، چوقۇم مۇھەررەمنىڭ توققۇزىنچى كۈنىدىمۇ روزا تۇتىمەن».- مۇسلىم رىۋايەت قىلغان.

بۇ ھەدىستە مۇھەررەم ئېيىنىڭ 9-، 10- كۈنلىرى روزا تۇتۇشقا ئۈندەلگەن. 9- كۈنىنى قوشۇپ روزا تۇتۇشتىكى ھېكمەت: 10- كۈنىدىلا روزا تۇتىدىغان يەھۇدىيلارغا ئوخشاپ قالماسلىق ئۈچۈندۇر.

بۇنىڭدىن باشقا بۇ ئايغا مەخسۇس قىلىنغان بىر ئىبادەت يوقتۇر. باشقا ۋاقىتتا قىلىنىدىغان نورمال ئىبادەتلەر بۇ ئايدىمۇ ئوخشاش داۋام قىلىدۇ.


مۇسۇلمانلار تورى، ئاللاھ، ئاللا، قۇرئان كەرىم، مۇسۇلمان، مۇسۇلمانلار، قۇرئان، ھەدىس، ئىلىم، دىن، ئۇيغۇر، ئۇيغۇرچە، فېترەت، فىترەت، تەبىئەت، ئادەم، پەيغەمبەر، رەسۇل، نەبى، شېئىر، ئۆلىما، مەزھەپ، پەتىۋا، سۇئال، جاۋاب، ئىلمىي، تەتقىقات، ماقالە، يازمىلار، يازما، ئۇلىنىش، ئالاقىلىشىڭ