باش بەت > جۈمە نامىزى > قۇرئان تەتقىقاتلىرى  يوللىغۇچى: ، ۋاقتى:

 جۈمەگە مېڭىش شەكلى

ئەبۇ ھۇرەيرە رەزىيەللاھۇ ئەنھۇ مۇنداق دەيدۇ: پەيغەمبەر ئەلەيھىسسالام مۇنداق دېگەن: ‏«نامازغا يۈگۈرۈپ كەلمەي، تەمكىن ھالەتتە كېلىڭلار. يېتىشەلىگەنلىرىڭلارنى ئۆتەڭلار، يېتىشەلمىگىنىڭلارنى تولۇقلاڭلار»[1]

 جۈمە نامىزىنىڭ ۋاقتى

ئەنەس ئىبنى مالىك رەزىيەللاھۇ ئەنھۇ، پەيغەمبەر ئەلەيھىسسالامنىڭ جۈمە نامىزىنى كۈن ئېگىلگەندە ئۆتىگەنلىكىنى رىۋايەت قىلىدۇ[2] ۋە مۇنداق دەيدۇ:

بىز جۈمەگە بالدۇر تەييارلىناتتۇق، چۈشلۈك ئۇيقۇمىزنى جۈمەدىن كېيىن ئۇخلايتتۇق[3]. پەيغەمبەر ئەلەيھىسسالام جۈمە نامىزىنى ھاۋا سوغۇق چاغدا بالدۇر ئوقۇيتتى. ئىسسىق بولغان چاغلاردا ھاۋانىڭ سوغۇشىنى كۈتەتتى[4].

سەلەمە ئىبنى ئەل- ئەكۋەئ رەزىيەللاھۇ ئەنھۇ مۇنداق دەيدۇ: رەسۇلۇللاھ بىلەن بىللە جۈمە نامىزىنى كۈن ئېگىلگەندە ئۆتەيتتۇق. ئاندىن كېيىن قايتىپ بېرىپ سايە ئىزدەيتتۇق[5].

سەلەمە رەزىيەللاھۇ ئەنھۇنىڭ يەنە مۇنداق دېگەنلىكى رىۋايەت قىلىنىدۇ: پەيغەمبەر ئەلەيھىسسالام بىلەن بىللە جۈمە نامىزىنى ئۆتەيتتۇق ۋە تام تۈۋىلىرىدىن ئىزدەپ بىر سايە تاپالمايتتۇق[6].

[1] – بۇخارى، جۇمۇئە 8.

[2] – بۇخارى، جۇمۇئە 16؛ ئەبۇ داۋۇد، جۇمۇئە 1084؛ تىرمىزى، جۇمۇئە 503.

[3] – بۇخارى، جۇمۇئە 16.

[4] – بۇخارى، جۇمۇئە 17.

[5] – مۇسلىم، جۇمۇئە 32.

[6] – مۇسلىم، جۇمۇئە 32.


مۇسۇلمانلار تورى، ئاللاھ، ئاللا، قۇرئان كەرىم، مۇسۇلمان، مۇسۇلمانلار، قۇرئان، ھەدىس، ئىلىم، دىن، ئۇيغۇر، ئۇيغۇرچە، فېترەت، فىترەت، تەبىئەت، ئادەم، پەيغەمبەر، رەسۇل، نەبى، شېئىر، ئۆلىما، مەزھەپ، پەتىۋا، سۇئال، جاۋاب، ئىلمىي، تەتقىقات، ماقالە، يازمىلار، يازما، ئۇلىنىش، ئالاقىلىشىڭ