باش بەت > پەتىۋالار > قۇرئان  يوللىغۇچى: ، ۋاقتى:
سوئال:
مەن ئاللاھ تائالانىڭ «ئى مۇئمىنلار! نامازغا تۇرغىنىڭلاردا، يۈزۈڭلارنى يۇيۇڭلار، قولۇڭلارنى جەينىكىڭلار بىلەن قوشۇپ يۇيۇڭلار، بېشىڭلارغا مەسىھ قىلىڭلار، پۇتۇڭلارنى ئوشۇقۇڭلار بىلەن قوشۇپ يۇيۇڭلار…»- دېگەن مەزمۇندىكى ئايىتىنى بىلىمەن، لېكىن چۈشىنەلمىگەن يېرىم ، بىز ئادەتتە تاھارەتسىز تۇرغان ۋاقىتلىرىمىزدا قۇرئان ئاڭلىساق، تەبلىغ ئاڭلىساق، قۇرئان ئوقۇساق، قۇرئاننى تۇتساق دۇرۇس بۇلامدۇ؟ ياكى بۇنىڭ ھۆكمى باشقىچىمۇ؟
جاۋاب:
ئاللاھ تائالانىڭ سىز تەرجىمىسىنى يوللىغان ئايىتىدىكى يەنى مائىدە سۈرىسىنىڭ 6-ئايىتىدىكى«نامازغا تۇرغىنىڭلاردا» دەپ تەرجىمە قىلىنغان سۆزى تاھارەتنىڭ ناماز ئۈچۈنلا شەرت قىلىنغانلىقىنى ئىپادىلەيدۇ. قۇرئان كەرىمدە ۋە ھەدىس شەرىفلەردە نامازدىن باشقا ھېچبىر ئىبادەت ئۈچۈن تاھارەت شەرت قىلىنمايدۇ. جۈملىدىن قۇرئان ئوقۇش، قۇرئان ئاڭلاش، تەبلىغ ئاڭلاش…قاتارلىق ئىشلارغىمۇ تاھارەت شەرت قىلىنمايدۇ.
قۇرئان كەرىمدە قۇرئان ئوقۇش ئۈچۈن بىرلا شەرت بار، ئۇ بولسا قۇرئاننى ئوقۇشقا باشلاشتىن بۇرۇن «ئەئۇزۇ بىللاھى مىنەششەيتانىررەجىم (مەن قوغلاندى شەيتاننىڭ يامانلىقىدىن ئاللاھقا سېغىنىمەن)»نى ئوقۇشتۇر. مۇناسىۋەتلىك ئايەتنىڭ تەرجىمىسى مۇنداق:
«قۇرئان ئوقۇيدىغان چېغىڭدا قوغلاندى شەيتاندىن ئاللاھقا سېغىن»-نەھل 16/98.

مۇسۇلمانلار تورى، ئاللاھ، ئاللا، قۇرئان كەرىم، مۇسۇلمان، مۇسۇلمانلار، قۇرئان، ھەدىس، ئىلىم، دىن، ئۇيغۇر، ئۇيغۇرچە، فېترەت، فىترەت، تەبىئەت، ئادەم، پەيغەمبەر، رەسۇل، نەبى، شېئىر، ئۆلىما، مەزھەپ، پەتىۋا، سۇئال، جاۋاب، ئىلمىي، تەتقىقات، ماقالە، يازمىلار، يازما، ئۇلىنىش، ئالاقىلىشىڭ