باش بەت > پەتىۋالار > ناماز  يوللىغۇچى: ، ۋاقتى:
سوئال: بىر تاھارەت بىلەن ئەڭ كۆپ بولغاندا قانچە ۋاخ ناماز ئوقۇغىلى بولىدۇ؟
جاۋاب: تاھارەت نامازنىڭ ئالدىنقى شەرتىدۇر. بىر تاھارەت سۇنۇپ كەتمىگەنلا بولسا ئۇنىڭ بىلەن قىلىنىدىغان ناماز ھەققىدە ھېچقانداق سان چەكلىمىسى يوق. بىر تاھارەت بىلەن خالىغىنىڭىزچە ناماز ئوقۇسىڭىز بولىدۇ. مۇناسىۋەتلىك ھەدىس مۇنداق:
سۇلايمان ئىبنى بۇرەيدە رەزىيەللاھۇ ئەنھۇنىڭ دادىسىنىڭ مۇنداق دېگەنلىكى رىۋايەت قىلىنىدۇ: پەيغەمبەر ئەلەيھىسسالام مەككە پەتھ بولغان كۈنى پۈتۈن نامازلارنى بىر تاھارەت بىلەن ئوقۇدى ۋە ئاياغ كىيىمىنىڭ ئۈستىگە مەسىھ قىلدى. ئۆمەر رەزىيەللاھۇ ئەنھۇ: يا رەسۇلەللاھ! ۋەللاھى سەن بۈگۈن ھازىرغىچە قىلمىغان بىر ئىشنى قىلدىڭ، دېدى. رەسۇلۇللاھ ئەلەيھىسسالام: «مەن بۇنى قەستەن قىلدىم يا ئۆمەر!» دېدى[1].
پەيغەمبىرىمىزنىڭ «مەن بۇنى قەستەن قىلدىم» دېيىشى بىر تاھارەت بىلەن بىردىن ئارتۇق نامازنى ئوقۇشنىڭ جائىز ئىكەنلىكىنى كۆرسىتىش ئۈچۈندۇر.
بۇخارىدىمۇ ھەم پەيغەمبىرىمىزنىڭ ھەم ساھابە كىرامنىڭ سۇنۇپ كەتمىگەن مۇددەت ئىچىدە بىر تاھارەت بىلەن بىرقانچە ۋاخ نامازنى ئوقۇغانلىقى زىكىر قىلىنىدۇ[2].

[1]– مۇسلىم، تاھارەت 86 (277).

[2]– بۇخارى، ۋۇزۇئ 54.


مۇسۇلمانلار تورى، ئاللاھ، ئاللا، قۇرئان كەرىم، مۇسۇلمان، مۇسۇلمانلار، قۇرئان، ھەدىس، ئىلىم، دىن، ئۇيغۇر، ئۇيغۇرچە، فېترەت، فىترەت، تەبىئەت، ئادەم، پەيغەمبەر، رەسۇل، نەبى، شېئىر، ئۆلىما، مەزھەپ، پەتىۋا، سۇئال، جاۋاب، ئىلمىي، تەتقىقات، ماقالە، يازمىلار، يازما، ئۇلىنىش، ئالاقىلىشىڭ