باش بەت > پەتىۋالار > توي  يوللىغۇچى: ، ۋاقتى:

سوئال:

توي ـ تۆكۇنلەرنى ۋە شۇنىڭغا ئوخشىغان مۇھىم يىغىلىشلارنى سىنئالغۇغا تارتسا بولامدۇ؟

جاۋاب:

بولىدۇ. چۈنكى بۇ بىر يەردە بولۇپ ئۆتكەن بىر ۋەقەنى تەپسىلىي شەكىلدە ئېسىدە ساقلىۋېلىپ ياكى تەپسىلىي شەكىلدە يېزىۋېلىپ، كېيىنچە ئۇنى ئەسلەش، ئۇ قەغەزنى ئوقۇپ ۋەقەنى كۆز ئالدىغا كەلتۈرۈش ياكى ئۇ ۋەقەدىن خەۋەرسىز قالغانلارنىڭ قۇلىقىغا ئۇ ۋەقەنى تەپسىلىي دەپ بېرىش ۋە قەغەزدىكىنى ئوقۇپ بېرىش توغرا ئىشتۇر.

خۇددى مۇشۇنىڭغا ئوخشاش، بىر يەردە بولغان بىر ۋەقەنى سىنئالغۇغا تارتىۋېلىپ ياكى رەسىمگە تارتىۋېلىپ كېيىنچە ئۇنى كۆرۈش ۋە باشقىلارغا كۆرسىتىش توغرا ئىشتۇر. بۇ ئىككى ئىشنىڭ بىرى قۇلاققا، بىرى كۆزگە خىتاپ قىلىدۇ. نەتىجىدە قارشى تەرەپ ئۇ ۋەقەدىن خەۋەردار بولىدۇ.

كۈنىمىزدە تېلېۋىزورلاردا خەۋەرلەر بېرىلىدۇ. مەسىلەن: پالانى دۆلەتنىڭ رەئىسى پالانى دۆلەتكە باردى دېگەن خەۋەر سۆزلىنىش بىلەن بىللە ئۇ رەئىسنىڭ شۇ دۆلەتكە بارغانلىقى ئېكرانغا چىقىرىلىدۇ. شۇنىڭدەك پۈتۈن خەۋەرلەر كۆز بىلەن ئېنىق كۆرگىلى بولىدىغان بىر شەكىلدە بېرىلىدۇ. بۇ خەۋەرلەرنى بەرگەنلەر بۇ ئىشلارنى بىز ياراتتۇق دەپ دەۋا قىلمايدۇ، كۆرگەنلەرمۇ ئۇنداق بىر تەسەۋۋۇردا بولمايدۇ.

ئەھۋال مۇشۇنداق بولغانلقى ئۈچۈن بۇ ئىشقا «بولمايدۇ، ھارام» دەپ ھۆكۈم چىقارغىلى بولمايدۇ. ئاللاھنىڭ ياراتقىنىدەك يارىتىش مۇددىئاسى بىلەن رەسىم سىزىشتىن مەنئى قىلىدىغان ھەدىسلەرنى سىنئالغۇغا تارتىشنىڭ ۋە فوتو ئاپپارات بىلەن رەسىمگە تارتىشنىڭ ھاراملىقىغا دەلىل كەلتۈرۈش تولىمۇ جاھىللىقتۇر.


مۇسۇلمانلار تورى، ئاللاھ، ئاللا، قۇرئان كەرىم، مۇسۇلمان، مۇسۇلمانلار، قۇرئان، ھەدىس، ئىلىم، دىن، ئۇيغۇر، ئۇيغۇرچە، فېترەت، فىترەت، تەبىئەت، ئادەم، پەيغەمبەر، رەسۇل، نەبى، شېئىر، ئۆلىما، مەزھەپ، پەتىۋا، سۇئال، جاۋاب، ئىلمىي، تەتقىقات، ماقالە، يازمىلار، يازما، ئۇلىنىش، ئالاقىلىشىڭ