جاۋاب:
ئەرلەر يالاڭۋاشتاق ناماز ئوقۇسا بولىدۇ. بۇنىڭ ھېچقانداق يامان تەرىپى يوق. چۈنكى قۇرئان ۋە ھەدىستە نامازدا ئەرلەرنىڭ بېشىنى يېپىشىنىڭ لازىملىقى توغرىسىدا ھېچبىر دەلىل يوق.
بو توغرىدىكى تالاش – تارتىشلار مۇسۇلمانلارنىڭ نادانلىقى ياكى يامان نىيەتلىك كىشىلەرنىڭ كۈشكۈرتىشى بىلەن بولۇشى مۇمكىن. بولمىسا، ناماز ئوقۇش ئۈچۈن كىرگەن كىشىلەرگە «بېشىڭ ئوچۇق ئىكەن» دەپ مەسچىتكە كىرگىنىگە خاپا بولۇپ كېتىش، ئەقىللىق بىر مۇسۇلماننىڭ قىلىدىغان ئىشى ئەمەس. بۇنداق ئادەملەر ئەگەر سەمىمىي بولسا يەنى دىنغا خىزمەت قىلىدىغان نىيەتلىرى توغرا بولسا، مەسچىت – جامەلەرگە ھېچ يولاپ باقمىغانلارنى مەسچىتكە كىرىشكە دەۋەت قىلىشلىرى كېرەك.
