قۇرئاندىكى قۇرئان
يوللىغۇچى: مۇسۇلمانلار، ۋاقتى: 01/12/2017

قۇرئاندىكى قۇرئان

 

رەھمەت، شىپا، نەسىھەت، ھىدايەتتۇر بۇ قۇرئان[1]،

نۇردۇر، روھتۇر، زىكىردۇر، مۇبارەكتۇر بۇ قۇرئان[2]،

سۆزنىڭ ئەڭ چىرايلىقى، روشەن كىتاب بۇ قۇرئان[3]،

مۇئمىنلارغا بېشارەت، ئاجايىبتۇر بۇ قۇرئان[4].

 

غالىب كىتاب، باتىلدىن پاك-پاكىزدۇر بۇ قۇرئان[5]،

ئىنسانلارغا ئۇقتۇرۇش، چاقچاق ئەمەس بۇ قۇرئان[6]،

ھەر نەرسىنى تەپسىلىي بايان قىلۇر بۇ قۇرئان[7]،

زالىملارغا زىياننى ئارتتۇرىدۇ بۇ قۇرئان[8].

 

ئەسلىتىشتۇر، ئىلىمدۇر، راستتۇر، ھەقتۇر بۇ قۇرئان[9]،

ھېكمەتلىكتۇر، ئۇلۇغدۇر، ھەل قىلغۇچ سۆز بۇ قۇرئان[10]،

شۈبھىسىزدۇر، ئادىلدۇر،  راۋۇرۇستۇر بۇ قۇرئان[11]،

ئاللاھنىڭ ئارغامچىسى، ئەرەبچىدۇر  بۇ قۇرئان[12].

 

ئاللاھ ئايەتلىرىنى بىر-بىرگە ئوخشايدىغان،

ھەم ئىككىدىن-ئىككىدىن ھالەتتە نازىل قىلغان[13]،

ئۇلارنىڭ مەزمۇنىنى ئىخچام ھەم ئېنىق قىلغان،

بۇنىڭ بىلەن بىرلىكتە تەپسىلىي بايان قىلغان[14].

 

چىڭ تۇتقۇچىلارغا  خۇش خەۋەرچىدۇر بۇ قۇرئان،

مۇخالىپ كەلگەنلەرگە تەنبىھچىدۇر بۇ قۇرئان[15]،

نەبىيمىزنىڭ مەڭگۈلۈك مۆجىزىسى بۇ قۇرئان[16]،

ئۇممىتىگە قالدۇرغان مىراسىدۇر بۇ قۇرئان[17].

 

ئەنەس ئالىم

2004

 

[1]  يۇنۇس 10/57، ئىسرا 17/82، نەمل 27/77، فۇسسىلەت 41/44.

[2]  نىسا 4/174، ئىنئام 6/92، 155، ساد 38 29، شۇرا 42/52، ھىجر 15 /6، 9، نەھل 16/44، قەلەم 68/51، ئەنبىيا 21/51.

[3]  زۇمەر 39/23، مائىدە 5/15.

[4]  بەقەرە 2/97، نەمل 27/2، جىن 72/1.

[5]  فۇسسىلەت 41/41-42.

[6]  ئال ئىمران 3/138، تارىق  86/14.

[7]  يۇسۇف 12/111، نەھل 16/89.

[8]  ئىسرا 177/82.

[9]  مۇددەسسىر 74/54، ھاققە 69/48،  رەئد 13/37، زۇمەر 39/33، مائىدە 5/ 48.

[10]  زۇخرۇف 43/4، بۇرۇج 85/21، تارىق 86/13.

[11]  بەقەرە 2/2، ئەنئام 6/115، كەھف 18/2.

[12]  ئال ئىمران 3/103، يۇسۇف 12/2، فۇسسىلەت 41/4.

[13]  زۇمەر 39/23.

[14]  ھۇد 11/1.

[15]  فۇسسىلەت 41/4.

[16]  ئەنكەبۇت 29/51.

[17]  رەسۇلۇللاھ (ئە.س) ۋىدا ھەججىدە مۇنداق دېگەن: «سىلەرگە مەن ئاللاھنىڭ كىتابى بولغان قۇرئاننى قويۇپ كەتتىم. قۇرئاننى مەھكەم تۇتساڭلار، ئازمايسىلەر» (مۇسلىم، سەھىھ، ھەج، 19، 147 – (1218)؛ ئەبۇ داۋۇد، سۇنەن، مەناسىك 1905؛ ئىبىن ماجە، سۇنەن، مەناسىك 84 (3074). بۇ ھەدىس مەزكۇر ئۈچ مەنبەدە زىكىر قىلىنىدۇ. يۇقىرىدىكى مۇسلىمنىڭ رىۋايىتىدۇر).


مۇسۇلمانلار تورى، قۇرئان كەرىم، مۇسۇلمان، مۇسۇلمانلار، قۇرئان، ھەدىس، ئىلىم، پەيغەمبەر، رەسۇل، نەبى، شېئىر، ئۆلىما، مەزھەپ، پەتىۋا، سۇئال، جاۋاب، تەتقىقات، ماقالە، يازمىلار، يازما، ئۇلىنىش، ئالاقىلىشىڭ